O proxecto que imos desenvolver este curso 2018/19 dentro do marco dos contratos programa, actuación de Excelencia Académica para o alumnado de 4º de ESO A,B e C nas materias de Lingua Galega e literatura, Economía e TIC é:
A Moureira. Un barrio con memoria.
O proxecto consiste na realización de tarefas e na elaboración de produtos que nos favorezan aplicar dun xeito práctico os estándares de aprendizaxe das materias e ao tempo acheguen ao alumnado ao traballo cooperativo, á procura documental e á realización de proxectos que servan para mellorar as súas destrezas e capacidades e coñecer o seu barrio, o barrio no que se ubica o noso instituto, o vello barrio de A Moureira.
Este proxecto encádrase dentro do programa "Contratos Programa 2018/19" na actuación de excelencia académica:
"Potenciar as facultades e o talento dos estudiantes con altas
capacidades de rendemento do noso centro de ensino entra dentro dos
obxectivos que se pretenden acadar co desenvolvemento da LOMCE e esta
é unha das razóns para a posta en marcha do proxecto que
presentamos aos contratos programa. Formar novos perfís de
profesionais para o futuro que presenten non só habilidades
cognitivas senón tamén competencias como o pensamento crítico, a
creatividade ou a capacidade de comunicar, e actitudes clave como
saber traballar colaborativamente, estar alfabetizados mediaticamente
e en información, a autonomía para crear e desenvolver proxectos
innovadores complementan as razóns para esta actuación ."